Cycling - Swiss

S Sustrans' National Cycle Network (Nationale Velowäg-Netzwerk) verlauft quer dur Cornwall, wo es besser bekannt isch als Cornish Way. A de Cornish Riviera tuet die Route a Bodmin, Lanhydrock und Eden Project vorbifüehre und wiiter noch St Austell. En Nebetwäg isch de aspruchvolleri Clay Trail. Au de füehrt noch St Austell, verbi a de Plätz, wo d'Porzellanerde abbaut wird, am China Clay Country Park bi Wheal Martyn und dänn talabwärts.

Vo St Austell us gohts uf em Veloweg wiiter, durs Pentewan Valley bis zum Dorf Pentewan, wo direkt am Strand isch. Uf em Weg dötane tuet de Veloweg au de Pentewan River überquere, wo me uf de alt Kutscheweg abbüge cha. De füehrt zu de "Lost Gardens of Heligan" und denn abe uf Mevagissey - enem herzige Fischerdorf.

AbMevagissey füehrt de "Cornish Way" über weniger befahreni Strosse zum River Fal, wo me mit de King Harry Ferry überquere cha. Dänn tuet me sine Reise fortsetze, bis me z Truro isch -d'Verwaltigshauptschtadt vo Cornwall mit enere imposante Kathedrale.

Goss Moor - Multi-use Trail
En 12 km lange Rundweg schlänglet sich um s weniger bekannte Goss Moor, so sich nördlich von  St Austell und weschtlich vo Roche befinde tuet. Es isch meischtens flach und uf sine Pfad recht liecht z befahre und bewandere. Das erlaubt es au Behinderte und weniger güebte Wanderer, sowie Velofahrer en eifache und sichere Zuegang zu de Moor.  D'Oberflächi vo de Pfad isch fürs Wandere, Riite, für Rollstüehl, Scootmobile und Chinderwage geignet. Beachtet Sie bitte:  Falls Sie en Rollstuhel oder es Scootmobil benütze tüend, sött Sie öppert begleite, wo d'Tor entlang em Pfad für Sie ufmache cha.   

Velomieti: Velos chönnt Sie bi de "Screech Owl Sanctuary" miete. Die isch nöch bi St Columb Road, enem Ort a de Iisenbahnlinie Par - Newquay. Falls Sie mit em Auto chömmed, achtet Sie uf d'Strosseschilder entlang de A30 (Bodmin - Penzance); nöch Indian Queens müent Sie i d'Richtig Newquay fahre. En anderi Möglichkeit isch die unne ufgschribeni.

Beachten Sie den "Countryside Code" - Take nothing but photographs. Leave nothing but footprints
(frei übersetzt: Nehmen Sie nur Eindrücke mit, hinterlassen Sie nur Fussabdrücke)

St Austell Riders - Mobile Bike Breakdown service  07843 197 126
Office 07891 037 435

Velomieti
Pentewan Valley Cycle Hire : 
Velos werdet nach Absproch au gratis noch St Austell glieferet

1 West End, St Austell, PL26 6BX
Phone 01726 844 242