St. Austell.

St. Austell isch im 18. Jahrhundert gwachse, dank de Porzellanerde - au wiisses Gold gnennt - , wo nördlich vo de Schtadt gförderet worde isch. William Cookworthy, en Apotheker, hät d'Porzellanerde entdeckt und hät 1768 e Porzellanfabrik in Plymouth gründet. Hüt wird d'Porzellanerde - oder Kaolin - für ganz verschideni Produkt und technischi Verfahre bruchet - vo Pneus bis zur Zahnpaschta!                                                                                                   Meh unter China Clay Country Park.

Ungfähr zwei Kilometer vo St. Austell weg, ligt Charlestown. S Hafeschtädtli isch im 18. Jahrhundert vom Sir Charles Rashleigh gründet worde, um de Transport vom wertvolle Kaolin i d'Porzellanfabrike im Norde vo England und ufs europäische Feschtland z'sichre.                        Meh auch unter Heritage Centre.

S moderni St. Austell tuet über e breits Agebot a Gschäfen verfüege. Es neus Iichaufszentrum (White River Place) wird wohrschinlich scho Endi September 2009 eröffnet. Im Schtadtzentrum häts au es moderns Kino mit vier Vorführhallene, es Bowlingzentrum, verschideni Pubs, Restaurants und Cafés.

S historische Zentrum vo de Schtadt tüend d'Drüfaltigkeitschile und s vis-à-vis ligende Markthuus bilde. D'Fassade vom Markthuus isch im italienische Schtil baut worde.

Au chame sich im Freiziitzentrum, i de Badi, i de Squashhalle und anderswo sportlich betätige.