Swiss German Mevagissey

Die enge Strosse und die steile Hügel, wo Mevagissey umgeh tüend, füehret jede zum Hafe im Zentrum vom Dorf. De charakteristisch Doppelhafe tuet e sicheri Zueflucht für die viele Fischerboot büte. Die tüend de Markt mit ihrem Fang belifere: Roche, Hummer, Scholle, Makrele und Seezungene, um nur einigi ufzzelle. Pubs, Kafis, Restaurants, Gallerie und Shops reihet sich um de Hafe und entlang de idyllische Strössli.

Im Mevagissey Museum -direkt am Hafen glege- chammo sich über d'faszinierend Gschicht vom Dorf informiere. Bis zum Rand gfüllt mit Erinnerigsstück und lokale Artefakt, tuet d'Gschicht vom Dorf im Museum wieder uflebe. Uf de andere Siite vom Hafe stoht s chliine Aquarium, wo erscht vor churzem renoviert worde isch. Dodrin befindet sich e ansehnlichi Sammlig vo de Fischarte us dere Gegend.

D' Lost Gardens of Heligan , vo dene me uf Mevagissey und siini Bucht luege cha, tüend en andere Blick i d'Vergangeheit büte. I de viktorianische Zi sind d'Mensche liideschaftlichi Garteliebhaber gsi, speziell im milde Klima vo Cornwall. Sie händ vieli schöni Gärte mit vielne exotische Pflanze gstaltet, wo churz vorher in Südoschtasie entdeckt und noch England brocht worde sind: Kamelie, Azalee, Rhododendre. I de erschte Hälfti vom zwanzigschte Jahrhundert sind d'Gärte in Heligan leider vernochlässigt worde und händ "vor sich hi gschlummeret". 1990 sind sie wieder entdeckt und wieder erweckt worde. Debi isch d'viktorianisch Pracht wiederhergschtellt worde. Dodevo händ au d'Tierwelt und d'Home Farm profitiert.