Swiss German Lostwithiel

A de "Cornish Riviera" vermischet sich e herrlich Chüschtelinie mit enere üppige und gschichtsträchtige Landschaft, was z Lostwithiel am ehnschte z'gseh isch. De Ort cha liecht uf de Stross erreicht werde, aber d'Afahrt über de Fluss Fowey isch bi wiitem pittoresker. Debi fahrt me a Lerryn vorbi, dem sin Wald d'Inspiration gsi isch für s'Buech Wind in the Willows vo Kenneth Branagh, und a St Winnow, wo en Teil vo de Poldark Fernsehserie dreiht worde isch.

D'Gebüd und Ruine vo Lostwithiel sind Züge vonere 800 Johr alte Gschicht, wo d'Gebiet wiit über d'Grenze vo Cornwall beiflusst hät. Mit de Erschtellig vom "Duchy Palace" (herzögliche Palascht), um 1300, isch Lostwithiel zu de wichtigschte Zinnbergwerksschtadt in Cornwall worde. I dere Ziit isch Lostwithiel ein blüende, internationale Meereshafe gsi. Do isch mit Blei, Hüt, Wii, Salz, Wulle, gräuchertem und pökeltem Fisch, trocknete Frücht und natürli mit Zinn ghandlet worde.

Im "Duchy Palace" isch s'Gericht gsi und d'Büros vo de sognannte "Duchy & Stannary"-Verwaltig, Verhüttigsgebüd, d'Münzprägi und s'berühmti "Stannary" (Zinnbergwerk) Parlament. Wiiteri wichtigi Bauwerk sind d'Tudor Bridge und d "Guildhall" (Zunfthuus), wo sich jetzt s'Bezirksmuseum befinde tuet. I de Nöchi stoht s "Restormel Castle", weles s'Dorf und s'Tal vo Lostwithiel überblicke tuet. Im englische Bürgerchrieg -1642-1651-händ d'Soldate vom König Charles I eine vo ihrne Siig in de Nöchi vo de Burg errunge.

Lostwithiel isch au unter Angler sehr bekannt. De River Fowey isch berüehmt für siine Lachs-, Forellen-, Flunder- und Barschbeschtänd.