Fowey - Swiss

De Hafe vo Fowey (sprich Foy) isch jahrhundertelang vo grosser maritimer Bedütig gsi - was sich au in verschiedene historische Ereignis zeige tuet. Drunter sind französischi Agriff während de napoleonische Chrieg und s parat Mache vo de Invasionsschiff im Johr 1944.  S Städtli liegt a de Mündig vom River Fowey, mit em grosse, tüfe Hafe, wo demit en sichere Ankerplatz isch. S ganze Johr über tüend do Handelsschff alege, wo Porzellanerde, Holz und anderi Ware lade tüend. I de Summermonät gsellet sich Dutzendi vo Boot und Yachte i allne Forme und Grössene dazue. D' Fowey Regatta im Auguscht isch wohrschiinlich de seglerischi Höchepunkt vom Johr. Näbeddra gits en Huufe voandere Aläss im oder am Wasser, im und um s Städtli ume und au i de Luft - wenn d'Red Arrows, s berüehmte Flugakrobatikteam vo de britische Luftwaffe, ihri fanstastische Darbietige hoch über Fowey flüge tüend. 

Daphne du Maurier isch wahrschinlich die berüehmtischti Iiwohneri vo Fowey gsi. Sie hät en grosse Teil vo ihrere Inspiration i de Landschaft rund um Fowey erhalte, wo au d'Kulisse für ihri Novellene bildet. Vo 'Mandalay' bis 'Jamaica Inn' chame de Schauplätz vo ihrne Novelle folge und debii meh über s Lebe und Werk vo de Schriftstellerin erfahre. E Füehrig wird vo de Blue Badge Guides abote. En kulturelle Alass, wo die literarische Leischtige vo de Daphne du Maurier  - und de Kunscht im allgemeine - fiire tuet, isch s Daphne du Maurier Festival . Es findet jedes Johr im Mai in Fowey und sinere Umgebig statt. D'Hauptveraschtaltige sind debi im Festival Village -enere Alag mit em Zelt mit 600 Sitz und em Theater mit 160 Sitz. Das Dorf isch i de Nöchi vom grosse Parkplatz.

In Fowey gits viel, was d'Bseucher alocke cha: charmanti Strosse mit faszinierende Shops, Wäg entlang em Fluss und Meer, Segle, Flussfahrte, Angle im Fluss oder am Meer und natürli diversi Cafés, Pubs und Restaurants für jede Gschmack!